Friday, March 20, 2015

கீரை சாப்பிடலையோ கீரை... கீரேய்..


கீரை சாப்பிடலையோ கீரை... கீரேய்.. கீர.. கீரேய்..

மூட்டு வலிக்கு முடக்கற்றான் ;

முதுமை குறைக்க பசலைங்க ;

வேட்டு வைக்கும் வாயுவை விரட்டும் வாதக் கீரைங்க ;

மீட்கும் இளமை தூதவளை ;

மினுக்க பொன்னாங் கன்னிங்க ; வாட்டி வதைக்கும் பிணியெலாம் வாரி யடித்தே ஓடுங்க !

அகத்தி வயிற்றுப் புழுக்களை அகற்றித் தள்ளும் வெளியேங்க ;

முகத்தில் பொலிவு பொங்கிட முருங்கைக் கீரை உதவுங்க ;

புகட்டும் மணத்தக் காளியும் புண்ணை ஆற்றுங் கீரைங்க ;

சகல சத்தும் நல்கிடும் சமச்சீர் உணவு கீரைங்க !

மூளை சிறக்க வல்லாரை;

முழுக்க செரிக்க வெந்தியம் ;

பாளைக் கீரை புளிக்கீரை

பருப்புக் கீரை ""காசினி""யும்

வேளை பார்த்துப் பகுத்துண்டால்

வேண்டும் நன்மை கிட்டுங்க ;

நாளை யென்று தள்ளாமல்

நாளுங் கீரை உண்ணுங்க !


No comments:

Post a Comment